Lieber Watzi Opa,
A Unfoi hat di ausm Leben grissen. A wenn du a langes Leben ghobt host, is dei Tod jetzt plötzlich und unerwoatet gwen und fühlt se einfach trotzdem zboid o.

Vor zweieinhalb Jahren ist d'Oma gstoam und seitdem woa viel ondas. Ihr habts sovü Joah eichares Lebens miteinander verbrocht, und ois sie weg woa, hats a große Lücke hinterlossen. Noch sovü gemeinsame Joah is da schwa gfoin alloane weiterzugeh.

Und don is vor ca oam Joah nu da Fredi dei Bua gstoam. A Kind zu verlieren is sicher oas von de schwersten Sochan de a Mensch erleben ko.

De letzten Joah woan deshoib net leicht – weder für die nu für uns ois Familie. In jeder Familie gibts schene und schwierige Zeitn. Aber a des ghert zu unserer gemeinsamen Geschichte.

Und trotzdem erinnern wir uns heit an den Opa, den wir long kennt hom: an gemeinsame Momente, an Gespräche und an kloane Gesten. I werd mi ima dro erinnern dast ma de Wallnüsse, egal wievü i da brocht hob, in Rekordzeit aufklopft host, und wievü Freid du mit de kloan ghobt host wenn ma di besucht hom.
An Maximilian wird ima in Erinnerung bleim dast na zum dreschen mitgnuma host und de gemeinsamen foahrten zum Tiermorkt.
Besonders in Erinnerung bleibt da Simone dass du ihr ihr olla erstes Haustier an Hamster gschenkt host.
Da Raffael wird se ima dran erinnern, dass du eines Toges gonz unerwartet a Moped besorgt und vorbeibrocht host. Do host erm a gscheide Freid gmocht.
A besonderer Moment den da Fabian nie vergessen wird, woa wie a zum Feierwehrkommandant gewählt woan is, und du seit langem wieda mal bei da Feierwehr vorbeikema bist, extra um erm zu unterstützen.
Und deine Urenkel wern se dro erinnern dast ima Süßigkeitensackerl in deiner Jackentoschen für se mitghobt host.

Sovü Erinnerungen bleiben und sie werden uns ima begleiten.
Und heit loss ma di geh. Mit dir geht heit a Stück unserer Familie.
Wir hoffen, dass du jetzt Frieden gfunden host – Jetzt bist wieda an Omas Seite.

Ruhe in Frieden Watzi Opa.

Wir möchten den Trauerfamilien unsere aufrichtige Anteilnahme zu Ausdruck bringen. Lieber Manfred, ruhe in Frieden.

Aufrichtige Anteilnahme den Trauerfamilien
Obermoarfamilie in Trattnach

Unser Aufrichtiges Beileid 🕯
Fritz und Gabi Mauernböck

Aufrichtige Anteilnahme, Ruhe in Frieden.

Aufrichtige Anteilnahme

Aufrichtige Anteilnahme